نگران وفاقي ڪابينا جو اجلاس ٿي رھيو آھي، ٻه نقاطي ايجنڊا جاري

نگران وفاقي ڪابينا جو اجلاس ٿي رھيو آھي جنھن لاءِ ٻه نقاطي ايجنڊا جاري ڪئي وئي آھي. ذريعن موجب، نگران وفاقي ڪابينا جو اجلاس اڄ شام وزيراعظم ھائوس ۾ ٿيندو، ڪابينا ٻھ نقاطي ايجنڊا تي غور ڪندي. ذريعن جو چوڻ آھي تھ 14 نومبر جي ڪابينا جي قانون سازي بابت ڪميٽي جي اجلاس جي فيصلن جي منظوري ورتي ويندي. ذريعن موجب، اجلاس ۾ وفاقي ڪابينا طرفان 15 نومبر جي اقتصادي رابطا ڪميٽي جي فيصلن جي به منظوري ڏني ويندي. ذريعن جو چوڻ آھي تھ وفاقي ڪابينا ملڪ جي مجموعي امن امان جي صورتحال جو جائزو ورتو ويندو، ملڪي معاشي صورتحال تي غور ڪيو ويندو.