سنڌ جي نگران وڏي وزير جسٽس رٽائرڊ مقبول باقر پاران سول اسپتال حيدرآباد جو دورو ڪيو ويو.
دوري دوران نگران وڏي وزير جسٽس رٽائرڊ مقبول باقر او پي ڊي ۾ مريضن سان ملاقات ڪئي ۽ ڊائيلاسز يونٽ ۾ صفائي سٿرائي نه هئڻ تي ڪاوڙ جو اظهار ڪيو.
جسٽس رٽائرڊ مقبول باقر سرجيڪل ۽ ميڊيڪل آءِ سي يو جو به دورو ڪيو.
نگران وڏي وزير پاران فارميسي ۾ صفائي نه هئڻ تي ايم ايس کي ڇنڊ پٽي.
جسٽس رٽائرڊ مقبول باقر جو چوڻ هو ته 6 آپريشن ٿيٽرز ۾ ڪوبه آپريشن نه ٿي رهيو آهي، جڏهن ته لسٽ ۾ مريض ويٽنگ تي آهن.
نگران وڏي وزير ڊائلاسز ۽ واش روم گندا هجڻ تي ڪاوڙ جو اظهار ڪيو ۽ ڊي جي هيلٿ کي هر يونٽ جي انسپيڪشن ڪرائڻ جون هدايتون پڻ جاري ڪيون .
