عام چونڊون ملتوي ٿيڻ جي ڪا به گنجائش ناهي: پ پ اڳواڻ سيد خورشيد شاهه

پ پ اڳواڻ ۽ اڳوڻي وفاقي وزير سيد خورشيد شاهه چيو آ هي ته عام چونڊون ملتوي ٿيڻ جي ڪا به گنجائش ناهي، 8 فيبروري تي اليڪشن ٿيڻ گهرجي، تڪبندين ۾ اتر سنڌ جون ٻه سيٽون ڪراچي کي ڏنيون ويون آهن. سکر ۾عورتن جي ڪنويشن کي خطاب ڪندي سيد خروشيد شاهه چيو ته اليڪشن دوران ماضيءَ ۾ به اتحاد ٺهندا رهيا آهن،  نواز ليگ وٽ ٻيو ڪو آپشن ناهي، ان ڪري اتحاد ۾ شامل ٿي رهي آهي. هن چيو ته  تڪبندين ۾ اتر سنڌ جون ٻه سيٽون ڪراچيءَ کي ڏنيون ويو، پر ان تي هنن گوڙ ناهي ڪيو، تڪبندين خلاف جنهن کي عدالت وڃڻو آهي، ڀلي وڃي. سيد خورشيد شاهه چيو ته پاڪستان ۾ سدائين بادشاهي جي طرز تي حڪمراني ڪئي وئي، شهيد  بينظير ڀٽو وزيراعظم بڻجي ته ڪجهه تبديلي آئي. پ پ اڳواڻ چيو ته عورتن کي بنيادي حق ملڻ گهرجن، عورتون تعليم کان محروم رهيون ته ترقي نه ٿي سگهندي، ڇاڪاڻ ته ٻار مادري ٻولي ماءُ کان ئي سکي ٿو…………..