مسلم ليگ ن جي اعليٰ قيادت لاهور مان نامزدگي ڪاغذ حاصل ڪري ورتا

مسلم ليگ ن جي اعليٰ قيادت لاهور مان نامزدگي ڪاغذ حاصل ڪري ورتا آهن، نوازشريف ۽ شهباز پراڻن تڪن، جڏهن ته مريم نواز ٻن صوبائي سيٽن تان اليڪشن وڙهندي. ن ليگ جي ذريعن موجب ن ليگ جي قيادت پنهنجن پراڻن تڪن تان ئي اليڪشن ۾ حصو وٺندي. مسلم ليگ ن جو قائد نوازشريف لاهور جي اين ايَ 130 ۽ مانسهره مان به اليڪشن وڙهندو، شهبازشريف لاهور جي اين اي 123 ۽ ان جي صوبائي سيٽ، جڏهن ته مريم نواز اين ايَ 119 ۽ ان ئي تڪ جي صوبائي اسيمبلي جي سيٽ لاءِ چونڊ وڙهندي. مريم نواز ٻن صوبائي تڪن تان اليڪشن ۾ حصو وٺندي، جڏهن ته حمزا شهباز اين اي 118 تان اليڪشن ۾ حصو وٺندو.