قائد جي بي مثال عزم ۽ بي مثال قيادت ايندڙ نسلن لاءِ مشعل راهه آهي: بلاول ڀٽو زرداري

پ پ چيئرمين بلاول ڀٽو زرداري چيو آهي ته قائداعظم هڪ جمهوريت پسند مدبر ليڊر هو جنهن جي غير تڪراري محنت پياري وطن پاڪستان جي قيام لاءِ رستو هموار ڪيو، سندن قائد جو عزم ۽ بي مثال قيادت نسلن لاءِ مشعل راهه آهن. جاري ڪيل بيان ۾ پ پ چيئرمين بلاول ڀٽو زرداري قائداعظم محمد علي جناح کي سندس جنم ڏينهن تي ڀيٽا پيش ڪئي. سندس چوڻ هو ته قائداعظم جي جنم ڏينهن تي اچو ته انصاف، برابري ۽ سندس اصولن تي ثابت قدم رهڻ جو وچن ڪريون. پ پ چيئرمين بلاول ڀٽو زرداري چيو ته قائداعظم جي قيادت ۽ عزم ان سوچ ۽ نظرئي جي ياد ڏياريندا رهندا جن تي ملڪ جو بنياد رکيو ويو، پيپلز پارٽي قائداعظم جي نظريات ۽ مقصدن تي ثابت قدم رهندي جمهوري ۽ ترقي پسند پاڪستان لاءِ سرگرم آهي.