پ پ چيئرمين بلاول ڀٽو زرداري ڪراچيءَ جو چونڊ ميدان ڇڏي ڏنو

پ پ چيئرمين بلاول ڀٽو زرداري ڪراچيءَ جو چونڊ ميدان ڇڏي ڏنو، هن گاديءَ واري شهر جي ڪنهن به سيٽ تي نامزدگي فارم جمع ناهن ڪرايا. آصفه ڀٽو زرداري به ڪنهن سيٽ تي نامزدگي ڪاغذ جمع ناهي ڪرايا، بلاول 2018ع ۾ لياريءَ کان چونڊ سياست جي شروعات ڪئي هئي، ڪيترن ئي ڏهاڪن کان ڪراچيءَ جي جيالن جي علائقي لياري  جي قومي اسيمبلي جي سيٽ ڀٽو ازم جي نالي سان سڃاتي ويندي آهي. 1988ع ۾ شهيد راڻي بينظير ڀٽو لياريءَ مان چونڊ وڙهي چڪي آهي، اڳوڻي صدر آصف علي زرداريءَ به 1993ع ۾ لياري مان اليڪشن وڙهي، جڏهن ته پ پ جي باني شهيد ذوالفقار علي ڀٽو به لياريءَ جي سيٽ تان عام چونڊن ۾ حصو ورتو هو.