نگران وزيراعظم جي مقرري لاءِ وزيراعظم شهباز شريف ۽ مخالف ڌر جي اڳواڻ راجا رياض ۾ اڄ ملاقات ٿيندي جڏهن ته پيپلزپارٽيءَ طرفان جسٽس رٽائرڊ تصدق جيلاني ۽ اڳوڻي سيڪريٽري جليل عباس جيلاني جا نالا ڏنا آهن.
وزيراعظم شهبازشريف ۽ مخالف ڌر جي اڳواڻ راجا رياض وچ ۾ ملاقات اڄ منجهند ٿيندي.
ملاقات دوران ٻئي اڳواڻ نگران وزيراعظم لاءِ نالن بابت صلاح مشورا ڪندا.
وزيراعظم ۽ مخالف ڌر جي اڳواڻ طرفان 3، 3 نالا غور هيٺ ايندا.
نگران وزيراعظم لاءِ حفيظ شيخ، شاهد خاقان عباسي ۽ جسٽس رمدي جا نالا سامهون آيا هئا، پر هاڻي پيپلزپارٽيءَ به جسٽس رٽائرڊ تصدق جيلاني ۽ اڳوڻي سيڪريٽري جليل عباس جيلاني جا نالا ڏنا آهن.
ذريعن موجب نگران وزيراعظم لاءِ جليل عباس جيلاني مضبوط اميدوار آهي.
آئين جي آرٽيڪل 224 تحت ٽن ڏينهن ۾ وزيراعظم ۽ مخالف ڌر جي اڳواڻ کي نگران وزيراعظم جو نالو فائنل ڪرڻو آهي.
اتفاق راءِ جي صورت ۾ اڄ ئي نگران وزيراعظم جي نالي جو اعلان ڪيو ويندو.
وزيراعظم ۽ مخالف ڌر جي اڳواڻ وچ ۾ اتفاق نه اتفاق نه ٿيڻ جي صورت ۾ معاملو پارلياماني ڪميٽيءَ ڏانهن ويندو اتي به فيصلو نه ٿيو ته نگران وزيراعظم جو فيصلو اليڪشن ڪميشن ڪندي.
