وارهه ۾ نينگري سان زيادتي ڪندڙ جوابدارن جي گرفتاري لاءِ شهرين طرفان چوٿين ڏينهن به احتجاج

وارهه ۾ نينگري سان زيادتي ڪندڙ جوابدارن جي گرفتاري لاءِ شهرين طرفان چوٿين ڏينهن به احتجاجي مظاهرو ڪري ڌرڻو هنيو ويو آهي.

شهرين ، محمد پنهل عباسي،  قاري حنيف ڇٽو،  ڪامريڊ سرتاج چانڊيو،  عبدالوهاب ڇٽو، نياز حيديم  اظھر اميراڻي، شهاب الدين ڏيپر، ساحل سڪندر ۽ ٻين جي اڳواڻي ۾  شهيد فاضل راهو چوڪ تي ڌرڻو هنيو ويو .

اڳواڻن جو چوڻ هو ته پوليس اڃا تائين نينگري نازيا چنو سان زيادتي ڪندڙ سمورا جوابدار گرفتار نه ڪري سگهي آهي.

هنن اعليٰ اختيارين کان مطالبو ڪيوته شهر ۾ امن امان بحال ڪرائي نينگري سان ڏاڍائي ڪندڙ سمورن جوابدارن کي ڦاهي ڏني وڃي.