توشا خانا ۽ 190 ملين پائونڊ ڪيسن ۾ بشريٰ بيبي جي ضمانت ۾ واڌ

توشا خانا ۽ 190 ملين پائونڊ ڪيسن ۾ پي ٽي آءِ چيئرمين جي گهرواري بشريٰ بيبي جي ضمانت ۾ واڌ ڪئي وئي آهي

اسلام آباد جي احتساب عدالت توشا خانا ۽ 190 ملين پائونڊ ڪيس جي ٻڌڻي ٿي، جنهن ۾ بشريٰ بيبي جو وڪيل  لطيف کوسا ۽ انتظار پنجوٿا پيش ٿيا.

لطيف کوسا عدالت کي ٻڌايو ته بشريٰ بيبي جي پي ٽي آءِ چيئرمين سان اٽڪ جيل ۾ ملاقات ڪئي، مڙس سان ملاقات لاءِ وٽس هفتي هڪ ڏينهن هوندو آهي.

لطيف کوسا بشريٰ بيبي جي 190 ملين پائونڊ اسڪينڊل ڪيس ۾ ضمانت واري درخواست داخل ڪئي ۽ موقف اختيار ڪيو ته جيڪڏهن گرفتاري گهربل آهي ته پهريان آگاهه ڪيو وڃي.

عدالت توشا خانا ۽ 190 ملين پائونڊ ڪيسن ۾ پي ٽي آءِ چيئرمين جي گهرواري بشريٰ بيبي جي ضمانت ۾ 26 سيپٽمبر تائين واڌ ڪري ڇڏي