اسرائيلي بمباري جو شڪار فلسطينين لاءِ امدادي سامان جا قافلا اڄ روانا ٿيندا

اسرائيلي بمباري جو شڪار فلسطينين لاءِ امدادي سامان جا قافلا اڄ غزا ۾ داخل ٿي رهيا آهن. اسرائيلي حملن سان متاثر فلسطينين لاءِ امدادي سامان جا قافلا اڄ غزا ۾ داخل ٿيندا جڏهن ته مصر جي بارڊر تي هڪ سئو امدادي ٽرڪ قطار ۾ لڳل آهن. پهرين قافلي ۾ 20 امدادي سامان جا ٽرڪ غزا روانا ٿيندا ۽ وينزويلا مان 30 ٽن امداد مصر پهچي وئي. روس به 27 ٽن امداد رواني ڪري ڇڏي جڏهن ته پاڪستان طرفان فلسطيني عوام لاءِ امداد جي پهرين کيپ اماڻي وئي آهي. پاڪ فوج ۽ اين ڊي ايم اي غزا لاءِ امداد جي پهرين کيپ اسلام آباد کان مصر رواني ڪئي، امدادي سامان ۾ هڪ هزار تنبو، چار هزار ڪمبل ۽ 3 ٽن دوائون شامل آهن. ڊبليو ايڇ او 20 امدادي ٽرڪ غزا ۾ داخل ٿيڻ کي سمنڊ ۾ هڪ قطري برابر قرار ڏيندي چيو آهي ته روزانو امدادي سامان سان ڀريل ٽرڪن کي وڃڻ جي اجازت هئڻ گهرجي……..