- Advertisement -
اڳوڻي وفاقي وزير فواد چوڌري کي اسلام آباد مان گرفتار ڪيو ويو جنهن جي تصديق سندس گهرواري حبا فواد چوڌري ڪئي آهي.
سماجي رابطن واري ويب سائيٽ ايڪس تي جاري ڪيل ٽوئٽ ۾ حبا فواد چوڌري دعويٰ ڪئي آهي ته سندس مڙس فواد چوڌري کي گرفتار ڪري اڻڄاتل هنڌ منتقل ڪيو ويو آهي.
سندس چوڻ هو ته فواد چوڌري کي اسلام آباد مان گرفتار ڪيو ويو آهي.
حبا فواد چوڌري چيو ته سادا ڪپڙا پهريل ماڻهن ۽ پوليس فواد چوڌري کي گرفتار ڪيو، کين ڪجهه نه ٻڌايو ويو ته ڇو گرفتار ڪيو ويو آهي.
جمعي ڏينهن ڊسٽرڪٽ اينڊ سيشن ڪورٽ اسلام آباد فواد چوڌري جي قلم 144 جي ڀڃڪڙي ڪيس ۾ 13 نومبر تائين گرفتاري کان اڳ واري ضمانت منظور ڪئي هئي.
اڳوڻي وفاقي وزير فواد چوڌري خلاف آبپارا ٿاڻي ۾ ڪيس داخل ڪيو ويو هو……….- Advertisement -
