پي ٽي آءِ چيئرمين انٽرا پارٽي اليڪشن تان هٿ کڻي ويو، بئريسٽر گوهر پارٽي چونڊ ۾ چيئرمين جو اميدوار هوندو

پي ٽي آءِ چيئرمين انٽرا پارٽي اليڪشن تان هٿ کڻي ويو، بئريسٽر گوهر پارٽي چونڊ ۾ چيئرمين جو اميدوار هوندو. بئريسٽر گوهر سان گڏ پريس ڪانفرنس ڪندي بئريسٽر علي ظفر چيو ته اليڪشن ڪميشن انٽرا پارٽي اليڪشن جو حڪم ڏنو، پي ٽي آءِ جي ليگل ٽيم اليڪشن ڪميشن وئي. هن چيو ته اليڪشن ڪميشن زباني فيصلو لکت ۾ تبديل ڪيو، هو ڇنڇر ڏينهن انٽرا پارٽي اليڪشن ڪرائيندا. علي ظفر چيو ته پي ٽي آءِ چيئرمين ئي اصل پي ٽي آءِ آهي، هو انٽرا پارٽي اليڪشن نه پيو وڙهي، پر هن منظوري ڏني آهيي، پارٽي چيئرمين لاءِ بئريسٽر گوهر جو نالو فائنل ٿيندو آهي. ان موقعي تي بئريسٽر گوهر چيو ته هو پي ٽي آءِ چيئرمين جو ٿورائتو آهي، جنهن پارٽيءَ جي چيئرمين شپ لاءِ سندس نالي جي منظوري ڏني. هن چيو ته پي ٽي آءِ چيئرمين جيل ۾ هجي يا ٻاهر، اهو ئي سندن ليڊر آهي، سندس باعزت واپسيءَ تائين هو ذميواريون نڀائيندو