عام چونڊن لاءِ نامزدگي فارم وصول ڪرڻ ۽ جمع ڪرائڻ جو ٻيو ڏينهن

عام چونڊن لاءِ نامزدگي فارم وصول ڪرڻ ۽ جمع ڪرائڻ جو ٻيو ڏينهن آهي، سياسي اڳواڻن طرفان نامزدگي ڪاغذ وٺڻ ۽ جمع ڪرائڻ جو عمل سڀاڻي تائين جاري رهندو، گذريل ڏينهن ڪيترن ئي سياسي اڳواڻن نامزد ڪاغذ حاصل ڪيا ۽ جمع ڪرايا. اليڪشن ڪميشن موجب، اميدوارن جي شروعاتي لسٽ 23 ڊسمبر تي جاري ٿيندي، ڪاغذن جي ڇنڊڇاڻ 24 کان 30 ڊسمبر تائين ڪئي ويندي. اليڪشن ڪميشن جو چوڻ آهي ته 3 جنوري 2024ع تي اميدوارن جي نامزدگي ڪاغذن جي منظور يا رد ٿيڻ خلاف اپيلون ٻڌيون وينديون جڏهن ته 10 جنوري تي اپيلن تي اپيلٽ اٿارٽي جي فيصلي جو آخري ڏينهن هوندو ۽ 11 جنوري تي اميدوارن جون نظرثاني لسٽون جاري ڪيون وينديون. اليڪشن ڪميشن موجب، 12 جنوري نامزدگي ڪاغذ واپس وٺڻ لاءِ آخري تاريخ مقرر ڪئي وئي آهي، اميدارن کي 13 جنوري تي چونڊ نشان ڏنا ويندا. اليڪشن ڪميشن جو چوڻ آهي ته عام چونڊن لاءِ پولنگ 8 فيبروري تي ٿيندي. ڊسٽرڪٽ رٽرننگ آفيسر 20 ڊسمبر کان پنهنجون ذميواريون سنڀالي چڪا آهن………