نگران وزيراعظم وفاقي ڪابينا جوا جلاس اڄ طلب ڪري ورتو، 8 نڪاتي ايجنڊا جاري

نگران وزيراعظم انوار الحق ڪاڪڙ وفاقي ڪابينا جو اجلاس اڄ طلب ڪري ورتو جنهن جو 8 نڪاتي ايجنڊا جاري ڪيو ويو آهي. نگران وزيراعظم جي صدارت هيٺ ٿيندڙ ڪابينا اجلاس ۾ اِي سي سي ۽ سي سي ايل جي فيصلن جي منظوري ڏني ويندي. ايجنڊا موجب، ڊي جي فنانشل مانيٽرنگ جي ڊيپوٽيشن ۾ هڪ سال جي واڌ ڪرڻ جو به امڪان آهي، جڏهن ته ڊرگ انسپيڪٽر مقرر ڪرڻ جي منظوري به غور هيٺ ايندي. هوڏانهن وفاقي ڪابينا 35 ڄڻن جا نالا اي سي ايل ۾ شامل ڪرڻ جي منظوري ڏني آهي، گھرو وزارت جي سمري تي ڪابينا کان سرڪيوليشن ذريعي منظوري ورتي وئي آهي. ٻڌايو پيو وڃي ته ڪرپشن، ڏوهن ۽ قومي خزاني کي نقصان پهچائڻ جي ڪيس ۾ شامل ماڻهن جا نالا اي سي ايل ۾ شامل ڪيا ويا آهن. ذريعن موجب، سرڪاري ادارن مان ملازمت ڇڏي فرار ٿيندڙن جا نالا به اي سي ايل ۾ شامل ڪيا ويندا جڏهن ته 30 ڄڻن جا نالا ايگزٽ ڪنٽرول لسٽ مان ڪڍڻ جي منظوري پڻ ڏني وئي آهي.