ڪوٽ غلام محمد: پوليس جو شراب جي بٺي تي ڇاپو، هڪ جوابدار گرفتار

ڪوٽ غلام محمد پوليس ڪارروائي دوران هڪ جوابدار کي گرفتار ڪري 11 هزار 30 لٽر ڪچو شراب هٿ ڪري ڪيس داخل ڪري ڇڏيو. ايس ايس پي ميرپورخاص جي هدايتن تي پوليس ناصر موڙ ويجهو ديهه 277 ۾ هلندڙ شراب جي بٺي تي ڇاپو هنيو. پوليس ڇاپي دوران منشيات وڪرو ڪندڙ نيمون ڪولهي کي گرفتار ڪري ورتو. پوليس جو چوڻ آهي ته ڇاپي دوران شراب جي بٺي تان 11 هزار 30 لٽر ڪچو شراب هٿ ڪيو ويو آهي. پوليس موجب، گرفتار جوابدار خلاف ڪيس داخل ڪيو ويو آهي وڌيڪ جاچ ڪئي پئي وڃي.