- Advertisement -
سکر ويجھو عورتاڻي آواز تي هرکجي اغوا ٿيل جيڪب آباد واسي پورھيت جي وارثن کان 50 لک ڀنگ طلب ڪيو ويو آهي.
پورھيت جي ماسات غلام حيدر سومري ٻڌايو ته علي نواز سومري چار ڏينھن پھريان ريڙھي جو سامان وٺڻ لاءِ سکر جو چئي گھران نڪتو ھو، اڄ ڌاڙيلن فون ڪري چيو ته 50 لک ڀنگ ڏئي کيس وٺي وڃو، ٻي صورت ۾ قتل ڪيو ويندو.
هن چيو ته سندس ماسات صحبتپور ۾ ريڙهو هلائي پيٽ گذر ڪندو آهي، اتاني پوليس فرياد وٺڻ لاءِ تيار ئي ناهي.
مغوي جي ماسات سنڌ حڪومت کان مطالبو ڪيو ته هو غريب مسڪين آھن، خدا جي واسطي مغوي کي ڌاڙيلن جي چنبي مان آزاد ڪرائي ڏنو وڃي.- Advertisement -
