- Advertisement -
سنڌ جي ايڪسائيز اينڊ ٽيڪسيشن کاتي پاران غير رجسٽرڊ گاڏين کي روڊن تي اچڻ کان روڪڻ لاءِ قانون ۾ ترميم ڪرڻ جو فيصلو ڪيو ويو آهي.
سينيئر صوبائي وزير شرجيل انعام ميمڻ جي صدارت هيٺ ايڪسائز، ٽيڪسيشن ۽ نارڪوٽڪس ڪنٽرول جو اجلاس ٿيو.
اجلاس ۾ غير رجسٽرڊ گاڏين لاءِ قانونسازي ۽ منشيات تي ڪنٽرول جي ڪوششن سميت ٻين معاملن تي غور ويچار ڪيو ويو.
اجلاس کي خطاب ڪندي صوبائي وزير شرجيل ميمڻ جو چوڻ آهي ته غير رجسٽرڊ گاڏين کي روڊن تي اچڻ کان روڪڻ لاءِ قانون ۾ ترميم ڪئي ويندي.
سندس چوڻ هو ته منشيات وڪري کي روڪڻ لاءِ قدم يقيني بڻايا وڃن.
صوبائي وزير چيو ته منشيات جي وڪري ۾ ملوث ماڻهن سان سختي سان منهن ڏنو ويندو.
شرجيل انعام ميمڻ چيو ته نوجوان نسل کي منشيات کان بچائڻو آهي، منشيات خلاف آگاهي پروگرام به ضروري آهي…………- Advertisement -
