ٺٽو: شورا موري وٽ ڪار ۽ موٽرسائيڪل ۾ ٽڪر، هڪ ڄڻو فوت، هڪ زخمي

ٺٽي ويجهو  ڪار جو  موٽرسائيڪل کي ٽڪر لڳڻ جي نتيجي ۾ هڪ ڄڻو فوت ۽ هڪ زخمي ٿي پيو. شورا موري وٽ ڪار ۽ موٽرسائيڪل وچ ۾ ٽڪر ٿي پيو. حادثي جي نتيجي ۾ سلطان آباد واسي دلدار ٿهيم موقعي تي ئي فوت ٿي ويو، جڏهن ته سندس ساٿي زخمي ٿي پيو. اطلاع تي پوليس پهچي ڪار ڊرائيور کي گرفتار ڪري فوتيءَ جو مڙهه ۽ زخميءَ کي اسپتال منتقل ڪيو، جتان ضروري ڪارروائي بعد لاش وارثن حوالي ڪيو ويو. فوتي جو مڙهه گهر پهچائڻ تي گهر ڀاتين ۾ڪهرام مچي ويو……..