اسرائيل جي غزا ۾ جارحيت بند نه ٿي سگهي، 24 ڪلاڪن دوران بمباري جي نتيجي ۾ وڌيڪ 48 بيگناهه فلسطيني شهيد

اسرائيل جي غزا ۾ جارحيت بند نه ٿي سگهي، 24 ڪلاڪن دوران بمباري جي نتيجي ۾ وڌيڪ 48 بيگناهه فلسطيني شهيد ٿي ويا. يهودي جهازن نصيرت ڪيمپ تي بمباري ڪئي جنهن جي نتيجي ۾ وڌيڪ 7 فلسطيني شهيد ٿي ويا، اسرائيلي فوج حملن ۾ وڌيڪ هڪ تازي ڄاول ٻار کان ماءُ کسي ورتي. فلسطين ۾ شهيدن جو مجموعي انگ 34 هزار 97 کان وڌي ويو جڏهن ته اسرائيلي حملن ۾ 76 هزار 980 فلسطيني زخمي ٿي چڪا آهن. آمريڪا، اسرائيلي فوجي يونٽ تي پابندي لاڳو ڪرڻ جو فيصلو ڪيو آهي. پابندي اولهه ڪناري ۾ انساني حقن جي ڀڃڪڙي سبب لاڳو ٿيندي جڏهن ته اسرائيلي وزيراعظم امڪاني پابندي جو ڄمي مقابلو ڪرڻ جو اعلان ڪري ڇڏيو. اسرائيلي وزيراعظم نيتن ياهو جو چوڻ آهي ته فوجي اٽالن خلاف پابندي جو طاقت سان مقابلو ڪندا. ايراني سپريم ليڊر آيت الله خامنائي اسرائيل تي ڪامياب حملو ڪرڻ تي فوج جي ساراهه ڪئي آهي، سندس چوڻ آهي ته ايران آپريشن دوران طاقت جو ڀرپور مظاهرو ڪيو…………..