ڪويت ۽ قطر جي اميرن  پاڪستان جي دوري جي دعوت قبول ڪري ورتي

پاڪستان کي سفارتي محاذ تي وڌيڪ هڪ وڏي ڪاميابي، ڪويت ۽ قطر جي اميرن  پاڪستان جي دوري جي دعوت قبول ڪري ورتي. وزيراعظم شهباز شريف پاڪستان ۾ مقرر ڪويت ۽ قطر جي سفيرن سان ڌار ڌار ملاقات ڪئي. ڪويتي سفير ناصر عبدالرحمان جاسر المطيري وزيراعظم شهباز شريف کي ڪويت جي امير شيخ مشعل الاحمد جو خط پيش ڪيو. خط ۾ ڪويت جي امير پاران پاڪستان جي دوري جي دعوت قبول ڪرڻ جو پيغام آهي. قطر جي سفير وزيراعظم شهباز شريف کي قطر جي امير تميم بن حمد الثاني جو خط پيش ڪيو. خط ۾ قطر جي امير پاڪستان جي دورو جي دعوت قبول ڪرڻ جو پيغام ڏنو آهي. ڪويت ۽ قطر جي امير جو دورو سيڙپڪاري سميت مختلف شعبن ۾ سهڪار وڌائڻ لاءِ مددگار ثابت ٿيندو…….