سنڌ جي مختلف شهرن ۾ ڪٿي هلڪي ته ڪٿي تيز برسات کانپوءِ گرمي جو زور ٽٽي ويو

سنڌ جي مختلف شهرن ۾ ڪٿي هلڪي ته ڪٿي تيز برسات کانپوءِ گرمي جو زور ٽٽي ويو ۽ موسم خوشگوار ٿي وئي جڏهن ته بجلي بند ٿيڻ سبب شهري سخت ڏکيائين کي منهن ڏيڻ تي مجبور ٿي ويا. سنڌ جي راڄڌاني ڪراچي ۾ به مختلف هنڌن تي وقفي وقفي سان بوندا باندي جو سلسلو جاري آهي. موسميات کاتي پاران اڄ کان اربع تائين ڪراچي ۾ هلڪي ۽ تيز برسات جي اڳڪٿي ڪئي وئي آهي. حيدرآباد ۽ ڀرپاسي وارن علائقن ۾ ڪٿي هلڪي ته ڪٿي تيز برسات بعد مختلف علائقن ۾ بجلي بند ٿي وئي. اڏيرو لال ۽ ڀرپاسي وارن علائقن ۾ وسڪاري بعد گرمي جو زور ٽٽي ويو ۽ موسم خوشگوار ٿي وئي. برسات سبب فصل کي نقصان جو خدشو آهي.