وفاقي  گهرو وزير محسن نقوي بيروزگاري ۽ غربت کي انساني سمگلنگ جو سبب قرار ڏئي ڇڏيو

وفاقي  گهرو وزير محسن نقوي بيروزگاري ۽ غربت کي انساني سمگلنگ جو سبب قرار ڏئي ڇڏيو. هڪ بيان ۾ وفاقي گهرو وزير محسن نقوي چيو آهي ته انساني اسمگلنگ جي سنگين ڏوهن خلاف اسريل ۽ اسرندڙ ملڪن کي گڏ بيهڻو پوندو. سندس چوڻ آهي ته بيروزگاري، غربت ۽ ناڻي جي اڻ برابري واري ورڇ سان انساني سمگلنگ ۾ اضافو ٿيو آهي،  پاڪستان ۾ انساني سمگلنگ جا منظم ٽولا سرگرم آهن،  پوئتي پيل ملڪ انساني سمگلنگ کي سڀ کان وڌيڪ منهن ڏئي رهيا آهن. وفاقي وزير چيو ته پاڪستان ۾ انساني اسمگلنگ جا منظم ٽولا به سرگرم آهن، ايف آءِ اي انهن  کي منهن ڏيڻ لاءِ هر وقت الرٽ آهي. سندس چوڻ هو ته انساني اسمگلنگ ۾ ملوث ڪيترن ئي جوابدارن کي انصاف جي ڪٽهڙي ۾ آندو ويو آهي، انساني اسمگلنگ کي روڪڻ لاءِ گڏيل قومن کي گڏيل قدم کڻڻ جي سخت ضرورت آهي