پي ٽي آءِ بانيءَ طرفان اڳوڻي فيض حميد جو اوپن ٽرائل جو مطالبو فوج جي معاملن ۾ مداخلت آهي:عطا تارڙ

سڌ سماءَ واري وفاقي وزير عطا تارڙ چيو آهي ته پي ٽي آءِ بانيءَ طرفان اڳوڻي فيض حميد جو اوپن ٽرائل جو مطالبو فوج جي معاملن ۾ مداخلت آهي. جاري ڪيل بيان ۾ عطا تارڙ چيو ته پي ٽي  آءِ باني پنهنجن بيانن سان معاملي کي تڪراري بڻائڻ چاهي ٿو. هن چيو ته فيض حميد جي دفاع ۾ بيان ڏيندڙ 190 ملين پائونڊ ڪيس جو به جواب ڏني. عطا تارڙ چيو ته پي ٽي آءِ بانيءَ جي بيانن مان ثابت پيو ٿئي ته هو سخت پريشان ۽  وائڙائپ جو شڪار آهي. سڌ سماءَ واري وفاقي وزير چيو ته پي ٽي آءِ بانيءَ ثابت ڪري ڇڏيو ته فيض حميد سندس اثاثو هو، پي ٽي  آءِ باني کيس ڪڏهن اثاثو، ڪڏهن هيرو ۽ ڪڏهن زيرو چوندو هو.