آرمي چيف اداري ۾ انصاف جو نظام کڻي آيو آهي، پي ٽي  آءِ وارا فوج سان ڳالهيون ڪرڻ لاءِ منٿيون پيا ڪن:فيصل واوڊا

سينيٽر فيصل واوڊا چيو آهي ته آرمي چيف اداري ۾ انصاف جو نظام کڻي آيو آهي، پي ٽي  آءِ وارا فوج سان ڳالهيون ڪرڻ لاءِ منٿيون پيا ڪن، پي ٽي آءِ پهريان نيب ترميمن خلاف هئي، هاڻي هي فائدو وٺي رهيا آهن. سينيٽ جي اجلاس کي خطاب ڪندي فيصل واوڊا چيو ته پي ٽي آءِ ملڪ ٽوڙڻ جي ڳالهه نه ڪري ها ته گڏ هجن ها. هن چيو ته چيو ويو ڳالهيون نه ڪندا، اوهان سان ڳالهيون ڪري ڪير ٿو؟ فيصل واوڊا چيو ته تحريڪ انصاف پهريان چيو ته نيب ترميم نه ٿيڻ گهرجي  ۽ هاڻي ان مان فائدو وٺي رهيا آهن، هنن جي گندي سياست  سبب ارشد شريف قتل ٿيو. سينيٽر فيصل واوڊا چيو  ته هن ڳالهائڻ شروع ڪيو ته ڪنهن کي منهن لڪائڻ جي جاءِ نه ملندي. سندس چوڻ هو ته ملڪ جي حالت ڪرڪيٽ ٽيم جهڙي ڪرڻ نه ڏيندو. فيصل واوڊا جي تقرير دوران مخالف ڌر احتجاج ڪندي هل هنگامو ڪيو.