حڪومت مهانگائي جي ماريل عوام کي رليف ڏيندي پئٽرول 10 رپيا ۽ ڊيزل 13 رپيا سستو ڪري ڇڏيو

حڪومت مهانگائي جي ماريل عوام کي رليف ڏيندي پئٽرول 10 رپيا ۽ ڊيزل 13 رپيا سستو ڪري ڇڏيو آهي. وزيراعظم شهبازشريف تيل جي اگهن ۾ لاٿ جي منظوري ڏئي ڇڏي آهي. ناڻي واري وزارت طرفان جاري ڪيل نوٽيفڪيشن موجب پئٽرول 10 رپيا في لٽر سستون ڪيو ويو، جڏهن ته ڊيزل جي اگهه ۾ 13 رپيا 6 پيسا في لٽر لاٿ ڪئي وئي آهي. نوٽيفڪيشن موجب گاسليٽ 12 رپيا 12 پيسا ۽ لائٽ ڊيزل جي اگهه ۾ 11 رپيا 15 پيسا في لاٿ ڪئي وئي آهي. پئٽرول جو نئون اگهه 249 رپيا 9 پيسا ۽ ڊيزل 249 رپيا 69 پيسا في لٽر ملندو، جڏهن ته گاسليٽ 158 رپيا 47 پيسا ۽ لائٽ ڊيزل 141 رپيا 93 پيسن جو لٽر ٿي ويو آهي، نوان اگهه رات ٻارهين کان ايندڙ پندرهن ڏينهن تائين لاڳو رهندا.