- Advertisement -
لبنان ۾ پيجر کانپوءِ حزب الله جي استعمال هيٺ واڪي ٽاڪي سيٽن ۾ ڌماڪن سبب 14 ڄڻا مارجي ويا ۽ ساڍا چار سئو کان وڌيڪ زخمي ٿي پيا.
پرڏيهي ميڊيا موجب لبنان ۾ ٿيل ڌماڪا حزب الله جي استعمال هيٺ واڪي ٽاڪي سيٽن ۾ ٿيا.
عرب ميڊيا موجب اڱاري ڏينهن پيجر ڌماڪن دوران مارجي ويلن جي جنازي نماز دوران واڪي ٽاڪي سيٽن ۾ ڌماڪا ٿيا.
ميڊيا موجب ڪيترن ئي گهرن ۾ به ڌماڪن جا اطلاع آهن، جهن سبب گهر ۽ گاڏين ۾ باهه لڳي وئي.
پرڏيهي ميڊيا موجب لبنان جي صحت واري وزارت ڌماڪن سبب 14 ڄڻا مارجڻ ۽ ساڍا چار سئو کان وڌيڪ زخمي ٿيڻ جي تصديق ڪئي آهي.- Advertisement -
