سعودي عرب پاران فلسطيني رياست جي قيام تائين اسرائيل سان لاڳاپا قائم نه ڪرڻ جو اعلان

سعودي ولي عهد شهزادي محمد بن سلمان چيو آهي ته فلسطيني رياست جي قيام تائين اسرائيل سان لاڳاپا قائم نه ڪندا. رياض مان عرب ميڊيا موجب محمد  بن سلمان سعودي مجلس شورى جي سالياني اجلاس کي پنهنجي والد خادم الحرمين شريفين شاهه سلمان بن عبدالعزيز طرفان خطاب ڪيو. شهزادي محمد بن سلمان جو چوڻ هو ته هو فلسطيني قوم خلاف اسرائيل جي سنگين حملن جي سخت لفظن ۾ مذمت ڪن ٿا، فلسطين مسئلو سعودي عرب جي اولين ترجيح آهي. سعودي ولي عهد چيو ته هو فلسطيني رياست کي تسليم ڪندڙ ملڪن جا ٿورائتا آهن، سعودي عرب فلسطيني رياست جي قيام جي ڪوشش لاءِ دڳ کولي پيو.