صوبائي گهرو وزير ڪراچي پريس ڪلب ٻاهران عورتن ۽ صحافين تي تشدد واري معاملي جي جاچ لاءِ اعليٰ سطحي ڪميٽي جوڙڻ جي هدايت ڪري ڇڏي

صوبائي گهرو وزير ضياءَ الحسن لنجار ڪراچي پريس ڪلب ٻاهران عورتن ۽ صحافين تي تشدد واري معاملي جي جاچ لاءِ اعليٰ سطحي ڪميٽي جوڙڻ جي هدايت ڪري ڇڏي، سندس چوڻ آهي ته ڊي آءِ جي اولهه عرفان بلوچ، ڊي آءِ جي اسپيشل برانچ فدا حسين مستوئي ۽ ايس ايس پي تي ٻڌل ڪميٽي جوڙي وڃي، ڪميٽي ٽن ڏينهن اندر معاملي جي جاچ تي ٻڌل رپورٽ اماڻڻ جي پابندي آهي، معاملي جي فوري بعد ملوث اهلڪارن کي معطل ڪري تفصيل اماڻيا وڃن. ڪراچي پريس ڪلب ٻاهران عورتن جي احتجاج ۽ پوليس پاران اختيار اورانگهڻ واري واقعي تي آءِ جي سنڌ کي طلب ڪري واقعي بابت صلاح مشورو ڪيو. ان موقعي تي صوبائي گهرو وزير ضياءَ الحسن لنجار چيو ته ڪراچي پريس ڪلب ٻاهران عورتن ۽ صحافين تي تشدد واري معاملي جي جاچ لاءِ اعليٰ سطحي ڪميٽي جوڙي وڃي. هن چيو ته ڊي آءِ جي اولهه عرفان بلوچ، ڊي آءِ جي اسپيشل برانچ فدا حسين مستوئي ۽ ايس ايس پي تي ٻڌل ڪميٽي جوڙي وڃي. صوبائي گهرو وزير ضياءُ الحسن لنجار چيو ته ڪميٽي ٽن ڏينهن اندر معاملي جي جاچ تي ٻڌل رپورٽ اماڻڻ جي پابندي آهي، معاملي جي فوري بعد ملوث اهلڪارن کي معطل ڪري تفصيل اماڻيا وڃن.