- Advertisement -
سنڌ جي وڏي وزير مراد علي شاهه 26هين آئيني ترميم جي منظوري تي پ پ چيئرمين کي مبارڪ ڏيندي چيو آهي ته بلاول ڀٽو زرداري جي ڪوششن سان ترميم منظور ٿي.
جاري ڪيل بيان ۾ مراد علي شاهه چيو ته اتفاق راءِ پيدا ڪرڻ لاءِ پ پ چيئرمين قائداڻو ڪردار ادا ڪيو، جنهن آئين شهيد ذوالفقار علي ڀٽو ٺاهيو هو، ڏوهٽي بلاول ڀٽو آئين کي مڪمل ڪيو.
سندس چوڻ هو ته آئيني عدالت ۽ ججن متناسب نمائندگي شهيد راڻي محترميه بينظير ڀٽو جو خواب هو، پ پ چيئرمين عدالتي سڌارن بابت پنهنجي امڙ جو خواب پورو ڪيو.
سنڌ جي وڏي وزير مراد علي شاهه چيو ته آئين سازي لاءِ اتفاق راءِ پيدا ڪرڻ تي سموريون پارٽيون مبارڪ جون مستحق آهن، پيپلزپارٽي پارليامينٽ جي بالادستي تي يقين رکي ٿي…………- Advertisement -
