- Advertisement -
آرمي چيف جنرل عاصم منير چيو آهي ته پاڪستان ۽ چين جا لاڳاپا ٻطرفي اعتماد ۽ سهڪار تي ٻڌل آهن، سمورين حالتن ۾ پاڪستان سان گڏ بيهڻ تي هو چيني قيادت جا ٿورا مڃن ٿا.
آءِ ايس پي آر موجب چين جي سينٽرل ملٽري ڪميشن جي وائيس چيئرمين جنرل زانگ يوشيا اعليٰ سطحي وفد سان گڏ جي ايڇ ڪيو جو دورو ڪيو.
جنرل زونگ پهريان آرمي چيف جنرل عاصم منير سان نويڪلائيءَ ۾ ملاقات ڪئي بعد وفدن جي سطح تي ڳالهيون ٿيون.
آءِ ايس پي آر موجب ملاقاتن ۾ گڏيل دلچسپي جا معاملا، علائقائي، سلامتي، ٻه طرفو سهڪار وڌائڻ تي خيالن جي ڏي وٺ ڪئي وئي.
جنرل عاصم منير گڏيل اعتماد ۽ سهڪار کي وڌائڻ تي زور ڀريو.
آرمي چيف جو چوڻ هو ته پاڪ چين تاريخي ڀائيواري وڌائڻ لاءِ هو تيار آهن، سمورين حالتن ۾ پاڪستان سان گڏ بيهڻ تي هو چيني قيادت جا ٿورا مڃن ٿا.
ان موقعي تي جنرل زانگ اسٽريٽجڪ ڀائيواري بابت پاڪستان جي ثابت قدمي جي تعريف ڪئي……..- Advertisement -
