غزه جنگ بندي معاهدي تحت اسرائيل ۽ حماس طرفان قيدين جي مٽا سٽا جو سلسلو جاري

غزه جنگ بندي معاهدي تحت اسرائيل ۽ حماس طرفان قيدين جي مٽا سٽا جو سلسلو جاري آهي، حماس اڄ وڌيڪ ٽن اسرائيلي مغوين کي آزاد ڪندي اسرائيل طرفان 90 فلسطيني قيدين کي آزاد ڪيو ويندو. حماس طرفان آزادي ماڻيندڙ ٽن اسرائيلي مغوين جا نالا جاري ڪيا ويا آهن. ڊبيلو ايڇ او موجب، جنگ بندي کانپوءِ اڄ 50 فلسطيني مريضن جي مصر منتقلي جو امڪان آهي. ٻئي پاسي اسرائيلي فورسز جو والاريل اولهه ڪناري ۾ فلسطينين خلاف آپريشن جاري آهي. عرب ميڊيا موجب، اسرائيلي فوج نصيرات پناهگير ڪيمپ ۾ هڪ فلسطيني مهاڻي ۽ جنين ڪيمپ ۾ 2 فلسطينين کي شهيد ڪري ڇڏيو. عرب ميڊيا موجب، 7آڪٽوبر 2023 کان هن وقت تائي اسرائيلي حملن ۾ شهيد ٿيل فلسطينين جو انگ 47 هزار 460 ٿي ويو جڏهن ته زخمين جو تعداد هڪ لک 11 هزار 580 تائين پهچي ويو آهي.