- Advertisement -
نوشهروفيروز جي عدالت اڳوڻي وفاقي وزير ۽ جي ڊي اي اڳواڻ غلام مرتضيٰ جتوئي جي قتل ڪيس ۾ ضمانت منظور ڪري ورتي آهي.
دهشتگردي ٽوڙ عدالت ۾ اڳوڻي وفاقي وزير غلام مرتضيٰ جتوئي خلاف موري ۾ داخل قتل ڪيس جي ٻڌڻي ٿي.
ٻڌڻي دوران پوليس جي ڊي اي اڳواڻ غلام مرتضيٰ جتوئي کي عدالت ۾ پيش نه ڪيو.
دهشتگردي ٽوڙ عدالت جي جج پاران غلام مرتضيٰ جتوئي کي پيش نه ڪرڻ تي جيل انچارج تي سخت ڪاوڙ جو اظهار ڪندي کيس پوئين بينچ تي ويهاري ڇڏيو.
جيل انچارج بالا آفيسرن سان ڳالهائڻ جو موقعو ڏيڻ جي اپيل ڪئي.
جج ڪاوڙ ۾ چيو ته هن وضاحت ناهي گهري، خاموش ٿي ويهي رهو.
عدالت وڪيلن جا دليل ٻڌڻ بعد ٻن لکن جي ضمانتي ڪاغذن عيوض اڳوڻي وفاقي وزير ۽ جي ڊي اي اڳواڻ غلام مرتضيٰ جتوئي جي قتل ڪيس ۾ ضمانت منظور ڪري ورتي.
وڪيل عبدالله ڪورائي ٻڌايو ته عدالت ٻن لکن جي ضمانتي ڪاغذن عيوض غلام مرتضيٰ جتوئي جي ضمانت منظور ڪئي آهي…….- Advertisement -
