معاشي ريٽنگ جي عالمي اداري بلوم برگ پاڪستان کي ٻئي اڀرندڙ معيشيت قرار ڏئي ڇڏيو

معاشي ريٽنگ جي عالمي اداري بلوم برگ پاڪستان کي ٻئي اڀرندڙ معيشيت قرار ڏئي ڇڏيو، بلوم برگ جو چوڻ آهي ته پاڪستان انهن ڪجهه ملڪن ۾ شامل آهي جن ڏيوالي ٿيڻ جي خدشن ۾ خاطر خواهه گهٽتائي ٿي آهي. بلوم برگ جي تازن انگن اکرن موجب، پاڪستان انهن ڪجهه ملڪن ۾ شامل آهن جن ڏيوالي ٿيڻ جي خدشن ۾ سڀ کان گهٽتائي ڏيکاري. بلوم برگ جي تازن انگن اکرن ۾ چيو ويو آهي ته پاڪستان جي ڪارڪردگي دنيا جي اڀرندڙ معيشيتن ۾ ٻئي نمبر تي رهي ۽ رڳو ترڪيه پاڪستان کان اڳتي آهي. رپورٽ موجب، جون 2024ع کان سيپٽمبر 2025ع تائين ۾ پاڪستان جي ڏيوالي ٿيڻ جي خدشن ۾ 22 سئو پوائنٽس جي نمايان بهتري آئي، اهو پاڪستان جي جٽادار معاشي بهتري جو ثبوت آهي. بلوم برگ جو چوڻ آهي ته پاڪستان جي ابتڙ ڏکڻ آفريڪا، ايل سلواڊور ۽ ٻين ملڪن ۾ بهتري تمام گهٽ رهي، جڏهن ته مصر، نائجيريا ۽ ارجنٽائئن جهڙن ملڪن ۾ خطرا وڌي ويا آهن، بلوم برگ موجب، حڪومت جي مضبوط پاليسين نه رڳو مهانگائي تي ضابطو آندو آهي پر وقت تي ادائگي ۽ آءِ ايم ايف پروگرام تي عمل معيشيت کي مضبوط ڪيو آهي، پاڪستان عالمي سيڙپڪارن لاءِ محفوظ ۽ پرڪشش ملڪ بڻجي چڪو آهي……