چين ايٽمي تجربن جي حوالي سان امريڪي صدر ٽرمپ جي الزامن کي رد ڪري ٿو: چيني پرڏيهي وزارت

چيني پرڏيهي وزارت چيو آهي ته چين ايٽمي تجربن جي حوالي سان امريڪي صدر ٽرمپ جي الزامن کي رد ڪري ٿو. غير ملڪي ميڊيا جي رپورٽ موجب، چيني پرڏيهي وزارت جي ترجمان مائوننگ جو چوڻ آهي ته چين پاران ايٽمي تجربن تي ڊگهي عرصي کان جاري غير رسمي تعطل ختم ناهي ڪيو ويو. چيني پرڏيهي ترجمان امريڪي صدر ٽرمپ جي الزامن جي حوالي سان چيو ته چين اڃان به ايٽمي تجربا نه ڪرڻ جي واعدي جي پاسداري ڪري رهيو آهي. ترجمان مائوننگ جو چوڻ هو ته چين هڪ ذميوار ايٽمي رياست طور پرامن مقصدن لاءِ پنهنجي جوهري پروگرام تي قائم آهي، سندن ايٽمي حڪمت عملي ۾ اڳرائي جي ڪا پاليسي ناهي، هو ايٽمي تجربن جي پابندي تي عمل ڪري رهيا آهن. چيني ترجمان اميد ظاهر ڪئي ته امريڪا عالمي ايٽمي هٿيارن جي گهٽتائي ۽ ان جي پکيڙ کي روڪڻ وارن ميڪنزم، عالمي اسٽريٽيجڪ توازن ۽ استحڪام کي برقرار رکڻ لاءِ وڌيڪ قدم کڻندو…….