بنگلاديش جي پهرين عورت وزيراعظم خالده ضياءَ کي اڄ ڍاڪا ۾ مٽيءَ ماءُ حوالي ڪيو ويندو

بنگلاديش جي پهرين عورت وزيراعظم خالده ضياءَ کي اڄ ڍاڪا ۾ مٽيءَ ماءُ حوالي ڪيو ويندو، اسپيڪر قومي اسيمبلي اياز صادي جنازي نماز ۾ پاڪستان جي نمائندگي ڪندو. خالده ضياءَ جي لاڏاڻي کانپوءِ بنگلاديش ۾ ٽي ڏينهن سوڳ جو اعلان ڪيو ويو آهي، سندس جنازي نماز ڍاڪا ۾ پارليامينٽ هائوس آڏو ادا ڪئي ويندي. بنگلاديش جي پهرين عورت وزيراعظم کي اڳوڻي صدر ۽ سندس مڙس ضياءَ الرحمان جي ڀر ۾ قومي اعزاز سان مٽيءَ ماءُ حوالي ڪيو ويندو. خالده ضياءَ جيئري جي عارضي سميت مختلف مرضن ۾ مبتلا هئي ۽ ڪافي وقت کان ڍاڪا جي اسپتال ۾ علاج هيٺ هئي جتي اڱاري ڏينهن صبح سوير سندس ساهه جو سڳو ٽٽي پيو. هوءَ بنگلاديش جي پهرين عورت وزيراعظم هئي، جڏهن ته مسلم دنيا ۾ شهيد بينظير ڀٽو کانپوءِ ٻئي عورت جو وزيراعظم هجڻ جو اعزاز به کيس حاصل هو. هن 1991 کان 1996 ۽ پوءِ 2001 کان 2006 تائين ملڪ جي وزيراعظم جو خدمتون سر انجام ڏنيون خالده ضيا جي جنازي نماز ۾ ڀارت، ڀوٽان ۽ مالديپ سميت ٻين ملڪن مان وفد به شرڪت ڪندا……….