اسرائيلي فورسز جي غزه جي هٿين خالي فلسطينين تي بمباري جاري آهي،31 فلسطيني شهيد ۽ 57 زخمي ٿي پيا

اسرائيلي فورسز جي غزه جي هٿين خالي فلسطينين تي بمباري جاري آهي، گذريل 24 ڪلاڪن دوران 31 فلسطيني شهيد ۽ 57 زخمي ٿي پيا. عرب ميڊيا جي رپورٽ موجب، اسرائيلي فوجين نصيرات پناهگير ڪيمپ ۾ 2 فلسطينين کي شهيد ڪري ڇڏيو جڏهن ته غزه ۾ هڪ وڌيڪ پناهگير ڪيمپ تي حملي ۾ ٻار سميت 4 فلسطينين شهادت ماڻي. رپورٽ موجب ڏکڻ رفح تي ٻن اسرائيلي حملن ۾ 4 فلسطيني شهيد ٿي ويا. رپورٽ موجب، 7 آڪٽوبر 2023 کان هن وقت تائين 45 هزار 885 فلسطيني شهيد ٿي ويا جڏهن ته هڪ لک 9 هزار 193 زخمي ٿيا. هوڏانهن غزه ۾ حماس سان چڪرين ۾ 2 اسرائيلي فوجي مارجي ويا ۽ 4 زخمي ٿيا آهن