ايران کانپوءِ روس به پاڪستان ۽ افغانستان وچ ۾ ڇڪتاڻ گھٽائڻ لاءِ ٽياڪڙيءَ جي آڇ

ايران کانپوءِ روس به پاڪستان ۽ افغانستان وچ ۾ ڇڪتاڻ گھٽائڻ لاءِ ٽياڪڙيءَ جي آڇ ڪئي آهي. روسي پرڏيهي وزارت جـِي ترجمان مارياز خارووا پريس بريفنگ ۾ ٻڌايو ته خطي ۾ استحڪام روس ۽ عالمي برادري جي ترجيح آهي. روسي پرڏيهي وزارت جـِي ترجمان پاڪستان ۽ افغانستان کي اهم ڀائيوار قرار ڏيندي چيو ته ٻنهي ملڪن وچ ۾ سرحدي ڇڪتاڻ علائقائي سلامتي لاءِ خطرو آهي، صـُلح جون ڪوششون مستقل امن کي يقيني بڻائي سگهن ٿيون. روسي پرڏيهي وزارت تڪرارن کي پائيدار حل صرف ڳالهين کي ئي قرار ڏيندي مطالبو ڪيو ته پاڪستان ۽ افغانستان تحمل جو مظاهرو ڪندي اختلاف ڳالهين سان حل ڪن، ۽ ڇڪتاڻ وڌائڻ واري قدمن کان پاسو ڪيو وڃي. ياد رهي ته ايران به ڪجهه ڏينهن اڳ پاڪستان ۽ افغان طالبان وچ ۾ ٽياڪڙي ۽ صـُلح جي آڇ ڪئي هئي.