اڳوڻي چيف جسٽس ثاقب نثار جي پٽ ۽ بشريٰ بي بي آڊيو ليڪ ڪيس: جسٽس اعظم خان جي عدالت ڏانهن منتقل

اسلام آباد هائيڪورٽ ۾ ٻڌڻي هيٺ آڊيو ليڪ ڪيس ۾ اهم اڳڀرائي سامهون آئي آهي. آڊيو ليڪ ڪيس کي جسٽس بابر ستار جي عدالت مان منتقل ڪري جسٽس اعظم خان جي عدالت ۾ مقرر ڪيو ويو. ڪيس جي اها منتقلي جسٽس بابر ستار جي سنگل بينچ جي ختم ٿيڻ سبب عمل ۾ آئي آهي. ڪيس ۾ سپريم ڪورٽ جي اڳوڻي چيف جسٽس ثاقب نثار جي پٽ نجم ثاقب ۽ اڳوڻي خاتون اول بشريٰ بي بي جي آڊيو ليڪس خلاف داخل درخواستن جي ٻڌڻي سڀاڻي جسٽس اعظم خان ڪندو.