سلمان اڪرم راجا جي لاهور ۾ شاهه محمود قريشي سان ملاقات

تحريڪ انصاف جي سيڪريٽري جنرل سلمان اڪرم راجا لاهور ۾ پاڪستان ڪڊني اينڊ ليور انسٽيٽيوٽ ۾ علاج هيٺ پارٽي جي وائيس چيئرمين شاهه محمود قريشي سان ملاقات ڪئي آهي. سلمان اڪرم راجا، شاهه محمود قريشي جي عيادت ڪئي ۽ جلد صحتيابي لاءِ دعا ڪئي. تحريڪ انصاف جي سيڪريٽري جنرل، پارٽي جي وائيس چيئرمين سان سياسي صورتحال بابت خيالن جي ڏي وٺ به ڪئي. ذريعن موجب، سلمان اڪرم راجا جي شاهه محمود قريشي سان ملاقات ۾ تحريڪ انصاف اڳواڻ شوڪت بسرا ۽ اظهر بابر به موجود هئا. ذريعن جو چوڻ آهي ته شاهه محمود قريشي سان فواد چوڌري سميت تحريڪ انصاف جي اڳوڻي ۽ ناراض اڳواڻن جي ملاقات ٿي هئي. ذريعن موجب، سلمان اڪرم راجا، شاهه محمود قريشي سان ان حوالي سان به ڳالهه ٻولهه ڪئي.