بلوچستان جي ڏهن ضلعن کي آفت سٽيل قرار ڏنو ويو آهي

بلوچستان جي ڏهن ضلعن کي آفت سٽيل قرار ڏنو ويو آهي. پي ڊي ايم اي بلوچستان موجب صوبائي حڪومت هنگامي صورتحال کي منهن ڏيڻ جي پوزيشن ۾ آهي. بوالا جي علائقن ڍاڍر، مچ، ڀاڳ، سني، کٽڻ ۽  بالا ناڙي تيز برسات بعد پاڻي سبب ميچ ۾ هيرڪ ۽ اين 65 روڊ تي مڪمل ٽريفڪ معطل ٿي وئي ۽ گاڏين جون قطارون لڳي ويون. بلوچستان جي پي ڊي ايم ايَ ست جون کان هيل تائين ٿيل نقصانن جي نئين رپورٽ پڻ جاري ڪئي آهي. صوبي ۾ چوماسي جي برساتن سان مختلف واقعن ۾ 37 ڄڻا فوت ٿي ويا آهن، جن ۾ 17 مرد، 19 ٻار  ۽ هڪ عورت شامل آهي. بلوچستان جي مختلف ضلعن ۾ برساتن  ۽ ٻوڏ سبب 866 گهر مڪمل تباهه ٿي ويا، 13 هزار 896 کي جزوي طور نقصان پهتو، تقريبن هڪ لک 9 هزار ماڻهو متاثر ٿيا. پي ڊي ايم اي َ جي رپورٽ موجب برساتن سبب ست پليون ۽ 58 روڊ متاثر ٿيا، برساتن دوران وڄ ڪرڻ جي  مختلف واقعن ۾ 401  جانور مري ويا، ٻوڏ جي پاڻيءَ صوبي ۾ 59 هزار ايڪڙ تي بيٺل فصل کي نقصان پڻ پهچايو.