تحريڪ انصاف جي سوشل ميڊيا تي ادارن خلاف منظم مهم جي جاچ لاءِ جي آءِ ٽي جوڙي وئي

تحريڪ انصاف جي سوشل ميڊيا تي ادارن خلاف منظم مهم جي جاچ لاءِ جي آءِ ٽي جوڙي وئي آهي. ذريعن جو چوڻ آهي ته وزيراعظم شهباز شريف پنج رڪني جاچ ڪميٽي جي منظوري ڏني. ذريعن موجب، آءِ جي اسلام آباد جي آءِ ٽي جو سربراهه هوندو، جڏهن ته ڊائريڪٽر ايف آءِ اي سائبر ڪرائيم، ايف آءِ اي جي دهشتگردي ونگ جو ڊائريڪٽر، ڊي آءِ جي جاچ اسلام آباد ۽ اسلام آباد سي ٽي ڊي جو ايس ايس پي ڪميٽي جا ميمبر هوندا. ذريعن جو چوڻ آهي ته جي آءِ ٽي مليل مواد کي نظر ۾ رکندي رياست خلاف منظم مهم جي جاچ ڪندي ۽ جوابدارن خلاف قانون موجب ڪارروائي لاءِ سفارشون پيش ڪندي. جي آءِ ٽي تحريڪ انصاف جي ڊيجيٽل ميڊيا ونگ تي پوليس ۽ ايف آءِ اي جي ڇاپي بعد جوڙي وئي آهي.