تحريڪ انصاف حڪومت سان سڌي ريت ڳالهين جو امڪان رد

تحريڪ انصاف حڪومت سان سڌي ريت ڳالهين جو امڪان رد ڪري ڇڏيو، پي ٽي آءِ چيئرمين بئريسٽر گوهر جو چوڻ آهي ته  حڪومت ۽ تحريڪ انصاف وچ ۾ سڌين ڳالهين جو ڪو به امڪان ناهي، مخالف ڌر طور قومي اسيمبلي جي اسپيڪر سان ملاقاتون ٿينديون رهنديون آهن. اسلام آباد ۾ ميڊيا سان ڳالهائيندي بئريسٽر گوهر چيو ته حڪومت سان سڌي ريت ڳالهين جو ڪوبه ارادو ناهي، مخالف ڌر طور قومي اسيمبلي جي اسپيڪر سان ملاقاتون ٿينديون رهنديون آهن، سندن ملاقاتون اوپن ۽ اسيمبلي معاملا هلائڻ يا مخالف ڌر جي پارلياماني معاملن بابت هونديون آهن. سندس چوڻ هو ته هنن ڪڏهن به ڪنهن ملاقات ۾ اسپيڪر سان ڳالهين جي ڪابه ڳالهه ناهي ڪئي نه ئي اهڙو ادارو آهي، ڪنهن تحريڪ انصاف ميمبر يا وفد اسپيڪر سان ڪڏهن حڪومت سان ڳالهين بابت ڪابه ڳالهه ناهي ڪئي. تحريڪ انصاف جي چيئرمين بئريسٽر گوهر چيو ته تحريڪ انصاف ڪڏهن به اسپيڪر کي ڳالهين لاءِ ٻيهر اچڻ جي آڇ ناهي ڪئي.