جماعت اسلامي امير سراج الحق پارٽي عهدن تان استعيفيٰ ڏئي ڇڏي

عام چونڊن ۾ بدترين شڪست تي استحڪام پارٽي جي سربراهه جهانگير ترين، جماعت اسلامي امير سراج الحق پارٽي عهدن تان استعيفيٰ ڏئي ڇڏي. آءِ پي پي سربراهه جهانگير ترين هڪ بيان ۾ چيو ته  پارٽي جي قيادت ۽ سياست ڇڏي رهيو آهي ووٽ ڏيندڙن جو ٿورائتو ۽ مخالفن لاءِ  دعاگو آهي. هن چيو ته  الله ڪري ايندڙ ڪجهه سالن ۾ پاڪستان پنهنجي پيرن تي بيهي وڃي، ذاتي حيثيت سان ملڪ جي خدمت ڪندو رهندو. سندس چوڻ هو ته هو عام چونڊن ۾ عوامي راءِ جو احترام ڪري ٿو. جماعت اسلامي امير سراج الحق به پارٽي جي عهدي تان استعيفيٰ ڏيڻ جو اعلان ڪيو آهي. هڪ بيان ۾ جماعت اسلامي امير سراج الحق چيو ته  عام چونڊن ۾ شڪست جي ذميواري قبول ڪندي عهدي تان استعيفيٰ ڏئي رهيو آهي. سندس چوڻ هو ته  جماعت اسلامي عام چونڊن ۾ بهترين ڪارڪردگي جو مظاهرو نه ڪري سگهي تنهن ڪري پنهنجي ناڪامي قبول ڪري ٿو. سراج الحق چيو ته ذميواري قبول ڪندي جماعت اسلامي جي امير جو عهدو ڇڏي رهيو آهي.