جي ڊي ايَ وارا پنهنجي ٻولي سڌارن نه ته کين ان ئي ٻوليءَ ۾ جواب ڏيڻ به ايندو آهي: شازيا مري

پ پ جي سيڪريٽري اطلاعات شازيا مري چيو آهي ته جي ڊي ايَ وارا پنهنجي ٻولي سڌارن نه ته کين ان ئي ٻوليءَ ۾ جواب ڏيڻ به ايندو آهي. جاري ڪيل بيان ۾ شازيا مري چيو ته 8 فيبروري تي چونڊن  ۾ سنڌ جي عوام پ پ مخالفن کي شڪست ڏني، جي ڊي اي وارا رڳو چونڊن ۾ ظاهر ٿيندا آهن. هن چيو ته غنڊاگردي ۽ مختلف سازشن باوجود عوام پنهنجو فيصلو پ پ جي حق ۾ ڏنو، خيرپور جي عوام صدر الدين شاهه راشديءَ کي هڪ ڀيرو ٻيهر شڪست ڏني. شازيا مري چيو ته صدر الدين شاهه پنهنجي تقرير ۾ ڪنهن کان مدد گهري رهيو آهي؟ هن ملڪ جو وارث عوام آهي، اها ڳالهه جي ڊي ايَ کي سمجهڻي پوندي، پيرپاڳاري جي مريدن به پ پ کي ووٽ ڏنو، انهن جا هو  ٿورائتا آهن.