- Advertisement -
تحريڪ انصاف اڳواڻ حليم عادل شيخ ۽ سندس گهر واري دعا ڀٽو ۾ ٺاهه جون سموريون ڪوششون ناڪام ٿي ويون، دعا ڀٽو هڪ دفعو ٻيهر خلع لاءِ عدالت ۾ درخواست داخل ڪرائي ڇڏي.
دعا ڀٽو حليم عادل شيخ کان خلع ۽ پنهنجي ٻن ورهين جي پٽ جي خرچ لاءِ درخواست اولهه جي فيملي ڪورٽ ۾ داخل ڪرائي.
دعا ڀٽو درخواست ۾ موقف اختيار ڪيو ته حليم عادل شيخ ڪنهن به قسم جو خرچ نٿو ڏئي، هو ساڻس وڌيڪ عرصو گڏ رهڻ نه ٿي چاهي.
هن درخواست ۾ چيو ته حليم عادل شيخ سندس پٽ کي به خرچ ڏيڻ لاءِ تيار نه آهي.
عدالت دعا ڀٽو جي درخواست تي حليم عادل شيخ کي نوٽيس جاري ڪري ڇڏيو.
پي ٽي آءِ اڳواڻ حليم عادل شيخ دعا ڀٽو سان 8 سال اڳ شادي ڪئي هئي.
2022 ۾ حليم عادل شيخ کان خلع لاءِ دعا ڀٽو ملير جي عدالت سان رابطو ڪيو هو، ٺاهه کانپوءِ دعا درخواست واپس ورتي هئي.
هوڏانهن پي ٽي آءِ اڳواڻ حليم عادل شيخ جو چوڻ آهي ته کيس عدالت جو نوٽيس ناهي مليو، نوٽيس بعد عدالت ۾ پنهنجو موقف پيش ڪندو- Advertisement -
