اسرائيل جا لبنان تي وحشياڻا حملا جاري، اسرائيلي فوج جي بيروت تي بمباري ۾ وڌيڪ 95 ڄڻا شهيد، 112 زخمي

دهشتگرد اسرائيلي فوج جا جنگ بندي جي ڳالهين باوجود لبنان تي حملا جاري آهن، گذريل 24 ڪلاڪن دوران وڌيڪ 95 ڄڻا شهيد 112 ڄڻا شهيد ٿي ويا. عرب ميڊيا جو چوڻ آهي ته اسرائيلي فوج نباتيه، بعليبيڪ، وادي بيڪا ۽ ڏکڻ بيروت کي نشانو بڻايو جڏهن ته اسرائيل فوجي ترجمان صرف حزب الله جي ٺڪاڻن کي نشانو بڻائڻ جي دعوى ڪئي آهي. هوڏانهن اسرائيل لبنان جنگ بندي لاءِ اهم اڳڀرائي سامهون آئي آهي، اسرائيلي ميڊيا جو چوڻ آهي ته لبنان جنگ بندي معاهدي تي غور لاءِ اسرائيلي ڪابينا جو اجلاس اڄ ٿيندو جنهن ۾ معاهدي جي منظوري ڏني ويندي. امريڪي ميڊيا جو چوڻ آهي ته اسرائيلي وزيراعظم نيتن ياهو اصولي طور تي معاهدي جي منظور ڏئي چڪو آهي جڏهن ته حزب الله اڳ ئي جنگ بندي معاهدي تي رضامندي جو اظهار ڪري چڪي آهي.