سانگھڙ جي قومي تڪ اين اي 209 ۽ پي ايس 41  تي پ پ اميدوارن جي چونڊ مهم جاري

سانگھڙ جي قومي تڪ اين اي 209 ۽ پي ايس 41  تي پ پ اميدوارن جي چونڊ مهم جاري آهي. اين اي 209 پ پ اميدوار شازيه مري ۽ پي ايس 41 جي اميدوار گل حسن هنڱورجو کپرو جي ڳوٺ جمال آباد ۾ جلسي کي خطاب ڪندي چيو ته پيپلزپارٽي کپرو ۾ رڪارڊ ترقياتي ڪم ڪرايا آھن، مخالفن پنهنجي وقت ۾ جيڪي ڪم ڪرايا انهن کان به عوام چڱي ريت واقف آهي. سندن چوڻ هو ته کپري جي عوام مخالفن کي سڃاڻي چڪو آهي، هنن وق سنڌ جي عوام لاءِ ڪوبه پلان نه آهي، پ پ جو منشور عوامي منشور آهي ان سان ملڪ جي معيشيت بهتر ٿيندي. پ پ اميدوارن جو چوڻ هو ته 8 فيبروري تي هو ڪنهن کي به ڌانڌلي ڪرڻ نه ڏيندا، جيالا پنهنجي مينڊينٽ جي حفاظت ڪرڻ ڄاڻڻ ٿا. شازيه مري ۽ گل حسن هنڱورجو وڌيڪ چيو ته پ پ جي مقبوليت ڏسي مخالف پريشان ٿي ويا آهن، انشاءَ الله 8 فيبروري تي کپري سميت سڄي ملڪ جو عوام تير تي ٺپا هڻندو.