- Advertisement -
سنڌڙي ويجهو ڪارنهن الزام هيٺ جوابدارن گوليون هڻي ناري کي قتل ڪري ڇڏيو، ناري کي بچائيندي ڳوٺ جو چڱو مڙس به زخمي ٿي پيو.
ڳوٺ الهه وسايو ٻرڙو ۾جوابدار ڀاءُ ارشاد ۽ ڏير لال محمد عرف لالڻ ٻرڙو ناري نبيلا کي پسٽل جا فائر ڪري قتل ڪري ڇڏيو.
ناري کي بچائيندي ڳوٺ جو معزز شخص مرتضيٰ ٻرڙو به زخمي ٿي پيو.
اطلاع تي پوليس پهچي ناري جو لاش ۽ زخمي کي کڻائي اسپتال منتقل ڪيو، جتان پوسٽ مارٽم ڪرائڻ بعد مڙهه وارثن حوالي ڪيو ويو.
پوليس جو چوڻ آهي ته جوابدارن جي گرفتاري لاءِ ڇاپا هنيا پيا وڃن، کين جلد گرفتار ڪيو ويندو.
ناري جو لاش گهر پهچائڻ تي گهر ڀاتين ۾ ڪهرام مچي ويو.- Advertisement -
