عثمان شاهه هڙي ۽ ڀرپاسي ۾ ۾ رولو ڪتن جي آزار وڌي ويو

عثمان شاهه هڙي ۽ ڀرپاسي ۾ ۾ رولو ڪتن جي آزار وڌي ويو، ڇتن ڪتن پنجن ماڻهن کي ڏاڙهي زخمي ڪري ڇڏيو. ڳوٺ عمر ساند ۾ ڇتي ڪتي پنجن سالن جي ٻارڙي صوبي،  رابعه، شرافت ۽ شوڪت سميت پنجن ڄڻن کي ڏاڙهي زخمي ڪري ڇڏيو. وارثن زخمين کي کڻائي عثمان شاهه هڙي اسپتال منتقل ڪيو، جتي ويڪسين نه هجڻ جو جواز ڄاڻائي کين واپس موٽايو ويو. وارثن جو چوڻ آهي ته ڪروڙين رپين جي  بجيٽ هجڻ باوجود سرڪاري اسپتال ۾ ويڪسين موجود ناهي، جڏهن ته ميونسپل انتظاميا پاران ڪتا مار مهم نه هلائڻ سبب ڪتن جو آزار وڌي ويو آهي. هنن اعليٰ اختارين کان مطالبو ڪيو ته علائقي ۾ ڪتا مار مهم هلائي اسپتال ۾ ويڪسن فراهم ڪري بيچيني ختم ڪئي وڃي.