عمرڪوٽ ۾ دوست پاران گوليون هڻي زخمي ڪيل نوجوان دم ڏئي ڇڏيو

عمرڪوٽ ۾ دوست پاران گوليون هڻي زخمي ڪيل نوجوان حيدرآباد جي اسپتال ۾ دم ڏئي ڇڏيو.

نوجوان نياز ڀنگوار کي سندس آصف نهڙي گوليون هڻي زخمي ڪيو هو، وارثن کيس ڳڻتي جوڳي حالت هجڻ ڪري حيدرآباد منتقل ڪيو هو جتي هن دم ڏنو.

ڊاڪٽرن موجب نوجوان نياز ڀنگوار کي 3 گوليون لڳل هيون، جڏهن ته نوجوان جي فوت ٿيڻ جو اطلاع ملڻ تي سندس گهر ۾ ڪهرام مچي ويو.

پوليس موجب، واقعي جي جاچ ڪئي پئي وڃي، جڏهن ته آخري اطلاعن تائين واقعي جو ڪيس داخل نه ٿي سگهيو هو ۽ نه جوابدار گرفتار ٿي سگهيو هو